جمعرات, 28 مارچ 2024


کر پشن اور مہنگائی جیسے مسائل کا خاتمہ حکمرانوں کی ذمہ داری ہے،چوہدری محمد سرور

 

ایمز ٹی وی(لاہور) پاکستان تحریک انصاف کے رہنما چوہدری محمد سرور نے کہا ہے کہ خیبر پختونخوا کی ترقی عوام کو نظر آتی ہے ۔ اس بات میں کسی کو شک نہیں ہو نا چاہیے اگر ملک میں جزا اورسزا کا نظام نہیں ہوگا تو ملک کبھی ترقی نہیں کر سکتا ۔ احتساب کی راہ میں رکاوٹیں ڈالنے کی بجائے ملک میں شفاف احتساب کو یقینی بننا ہوگا ورنہ تباہی اور بر بادی قوم کا مقدر ہیں گی۔
اپنے دفتر میں پارٹی وفود سے گفتگو کرتے ہوئے انہوںں نے کہا کہ روزانہ12ارب کی کر پشن ملک اور قوم کیلئے خطرہ بن چکی ہے ۔کر پشن کے خلاف پوری قوم اور سیاسی جماعتوں کو متحد ہو کر جد وجہد کر نا ہوگی ورنہ تباہی اور بر بادی کو روکنا ممکن نہیں رہے گا ۔” آج بھی پاکستان میں روزانہ12ارب سے زائد کی کر پشن ہو رہی ہے، جب تک کر پشن ختم نہیں ہوگی ہم اسکے خلاف جنگ لڑ تے رہیں گے“۔
چوہدری سرور نے مزید کہا کہ خیبر پختونخواہ کی ترقی عوام کو نظر آتی ہے ۔ملک میں بجلی کی لوڈشیڈ نگ ،کر پشن اور مہنگائی جیسے مسائل کا خاتمہ حکمرانوں کی ذمہ داری بن چکا ہے اورحکمرانوں کو ہر صورت اس ذمہ داری کو پورا کر نا ہوگا۔
پی ٹی آئی رہنما کا کہنا تھا کہ ویسے تو اس ملک میں ہر روز نئے مسائل جنم لے رہے ہیں مگر ملک کا سب سے بڑا مسئلہ کر پشن اور لوٹ مار ہے جسکے خلاف تمام جما عتوں کو متحد ہو کر لڑ نا ہوگا کیونکہ کر پشن کے خاتمے کے بغیر ملک کبھی ترقی نہیں کر سکتا اور جب تک کر پشن ہوگی قوم کو لوڈشیڈ نگ اور مہنگائی جیسے مسائل سے بھی نجات نہیں ملے گی بلکہ ایسے مسائل میں مزید اضافہ ہوگا

 

پرنٹ یا ایمیل کریں

Leave a comment