ایمزٹی وی (پشاور) شمالی وزیرستان میں پاک افغان سرحد کے قریب عسکریت پسندوں کے حملے میں پاک فوج کا ایک میجر شہید ہو گیا، جبکہ جوابی کارروائی میں 5 شدت پسند مارے گئے۔ سیکیورٹی ذرائع کے مطابق سپن وام کے علاقے کاکا زیارت میں شدت پسندوں نے رات کی تاریکی میں ڈنڈی کچ چیک پوسٹ پر حملہ کر دیا، جس کے نتیجے میں میجر اسماعیل نے جام شہادت نوش کیا۔ سیکیورٹی فورسز کی جوابی کارروائی میں 5 شدت پسند مارے گئے ، جبکہ دیگر فرار ہونے میں کامیاب ہوگئے۔ ذرائع کا کہنا ہے کہ دہشت گرد ہلاک ہونے والے شدت پسندوں کی لاشیں بھی ساتھ لے گئے۔