آزاد کشمیر: وزیر اعظم آزاد کشمیر راجہ فاروق حیدر خان نے کہا ہے کہ بھارت نے تقسیم ہند کے اصولوں کو روندتے ہو ئے کشمیر پر فوجی قبضہ کیا۔ کشمیر ہاﺅس میں صحافیوں سے گفتگو کرتے ہوئے انہوں نے کہا کہ بھارت اقوام متحدہ کی قراردادوں کی مسلسل نفی کر رہا ہے۔ بھارت ایک ایسا سفاک دشمن ہے جس کی بربریت کی مثال انسانی تاریخ میں نہیں ملتی۔ بھارت کے مکروہ چہرہ کو بے نقاب کرنے کیلئے میڈیا کردار ادا کرے۔