Print this page

آزاد کشمیر کے نئے صدر منتخب

  • ایمزٹی وی(آزاد کشمیر) مسلم لیگ (ن) کے امیدوار مسعود خان بھاری تعداد میں ووٹ لے کر آزاد کشمیر کے 26ویں صدر منتخب ہوگئے۔ زرائع کے مطابق آزاد کشمیر کے صدر کے انتخاب کے لئے آزاد کشمیر قانون ساز اسمبلی میں پولنگ کا عمل صبح 10 بجے سے دوپہر 3 بجے تک جاری رہا۔ مجموعی طور پر 48 ووٹ کاسٹ ہوئے جس میں سے مسلم لیگ (ن) کے صدارتی امیدوار مسعود خان نے 42 ووٹ لے کر واضح برتری حاصل کی جب کہ ان کے مدمقابل پیپلزپارٹی کے امیدوار چوہدری لطیف اکبر تھے جو صرف 6 ووٹ حاصل کرسکے۔ آزاد کشمیر کے 26 ویں صدر کے انتخاب کے لئے مسلم لیگ (ن) کی جانب سے سابق سفارت کار مسعود خان اور پیپلزپارٹی نے سابق وزیر خزانہ اور پارٹی کے جنرل سیکرٹری چوہدری لطیف اکبرکو نامزد کیا تھا جب کہ مسلم کانفرنس اور تحریک انصاف نے صدارتی انتخاب کے بائیکاٹ کا اعلان کررکھا تھا۔

     

پرنٹ یا ایمیل کریں