ایمز ٹی وی(ٹیکنالوجی) دنیا کے سب سے بڑے انٹرنیٹ سرچ انجن گوگل نے ایسے کھلونے تیار کئے ہیں جو ناصرف لوگوں کی بات مانے گا بلکہ وہ کمرے میں موجود میڈیا آلات کو اپنی مرضی کے مطابق چلا بھی سکے گا۔
زرائع کے مطابق گوگل نے امریکی پیٹنٹ اینڈ ٹریڈ مارک سے گڑیا، جانوروں اور خیالی مخلوق کی شکلوں کے ایسے کھلونوں کے حقوق اپنے نام کرنے کی درخواست دی ہے، ان کھلونوں کے کانوں میں مائیکرو فون، آنکھوں میں کیمرے، منہ میں اسپیکر جب کہ گردن میں مخصوس موٹر نصب ہوگی جن کی مدد سے یہ خود سے ہم کلام کسی شخص کی آواز کو سن کر نہ صرف اس سے بات کریں گے بلکہ آواز کی سمت میں گھوم کر اس شخص کی جانب دیکھتے ہوئے آنکھیں بھی چار کر پائیں گے۔ اس کے علاوہ یہ کھلونے پہلے سے ریکارڈ جملے ادا کرکے بات چیت میں حصہ بھی لیں گے۔
گوگل کی جانب سے بنائے گئے یہ کھلونے ’’ذہین ریمورٹ کنٹرول‘‘ کا کام انجام دیں گے جس کے لئے ان میں وائرلیس کمیونی کیشن کی خصوصیت بھی رکھی گئی ہے، جس کے تحت یہ وائی فائی یا بلو ٹوتھ کے ذریعے بچوں کی جانب سے دی جانے والی ہدایات پر کمرے میں موجود دیگر میڈیا آلات سے رابطہ قائم کریں گے جہاں سے ان کی فرمائش کے مطابق گانا یا فلم چلنا شروع ہوجائے گی۔
ایمز ٹی وی(ایجوکیشن) اعلیٰ تعلیمی کمیشن نے صوبہ سندھ کو نظراندازکرتے ہوئے ملک بھرکی سرکاری ونجی جامعات اور انسٹی ٹیوٹس کی درجہ بندی رپورٹ جاری کردی، اعلیٰ تعلیمی اداروں کی مجموعی کارکردگی کی بنیادپر رینکنگ کرکے 6 کیٹگریزمیں تقسیم کیاگیا ہے، مجموعی کیٹگری میں کی گئی درجہ بندی میں سندھ کوواضح طورپر نظرانداز کرتے ہوئے ابتدائی 6 نمبروں پرپنجاب اوروفاق کی جامعات کورکھا گیاہے۔
ملک کی 6 بہترین جامعات کی فہرست میں سندھ کی کسی بھی یونیورسٹی کوشامل نہیں کیاگیا، بہترین یونیورسٹیزکی مجموعی کیٹگری میں جامعہ کراچی کوساتواں نمبردیا گیاہے جوعالمی رینکنگ میں دنیاکی 600 جامعات میں شامل ہے۔ واضح رہے کہ مجموعی کیٹگری میں قائداعظم یونیورسٹی اسلام آباد پہلے،زرعی یونیورسٹی فیصل آباددوسرے، جامعہ پنجاب لاہورتیسرے، کامسیٹ انسٹی ٹیوٹ آف انفارمیشن ٹیکنالوجی اسلام آبادچوتھے، وفاقی حکومت کے چارٹرکے تحت کام کرنے والی آغاخان یونیورسٹی پانچویں اورنیشنل یونیورسٹی آف سائنس اینڈ ٹیکنالوجی اسلام آبادکا چھٹانمبر ہے۔
آرٹس کی آخری کیٹگری میں بھی پنجاب کوہی سرفہرست رکھاگیا ہے۔ اس میں نیشنل کالج آف آرٹس لاہور پہلے جبکہ انڈس ویلی اسکول آف آرٹس اینڈ آرکیٹکچرکا دوسرا نمبر ہے۔ ادھرایچ ای سی کے اعلامیے کے مطابق رینکنگ کے نتائج مطلوبہ معیارکے لیے متعلقہ جامعات کی جانب سے دیے گئے اعدادو شمارہیں۔ طریقہ کارمیں جن عناصرکو زیرغور لایا گیاان میں بہترمعیار، تدریس، تحقیق، مالیات وسہولیات، سماجی تفاعل/ عوامی ترقی ہیں۔ ایچ ای سی کی پہلی رینکنگ کااعلان سال 2006، دوسری کا 2012 جبکہ تیسری رینکنگ کااعلان 2013میں کیا گیاتھا
ایمز ٹی وی (تعلیم) امیر جماعتی اسلامی سراج الحق کا کہنا ہے کہ طبقاتی تعلیمی نظام نے قومی یکجہتی کی دھجیاں بکھیر کہ رکھ دیں ہیں ۔انکا کہنا تھا کی ااگر انکی جماعت اقتدار میں آئی تو بجٹ کا سب سے بڑا حصہ تعلیم پر خرچ کرینگے ۔
سراج الحق کا کہنا تھا کہ حکومت مدرسوں پر دہشت گردی کے الزام لگا رہی ہے جبکہ کراچی سے پکڑے گئے تمام ملزم اعلیٰ تربیت یافتہ دہشت گرد ہیں ۔امیر جماعت اسلامی نے کہا کہ جماعت اسلامی ملک سے فرقہ واریت اور مذہبی تعصب کو ختم کر کہ قومی یکجہتی کو فروغ دیگی ۔
ایمز ٹی وی (حیدرآباد) ممتاز ماہرین تعلیم انور احمد زئی کا کہنا ہے کہ فن چہار بیت برصغیر کے مسلمانوں کا اہم ورثہ ہے ان خیالات کا اظہار انہوں نے احباب حیدرآباد کی جانب سے منعقد کردہ سالانہ محفل چہار بیت کے موقعے پر صدارتی خطاب کرتے ہوئے کیا محفل میں مہمان خصوصی رکن سندھ اسمبلی اور ممتاز دانشور مہتاب اکبر راشدی ، اور مہمان اعزازی کے طور پر پروفیسر ہارون رشید بھی موجود تھے ۔
پروفیسر انور احمد زئی نے اس موقع پر کہا کہ اردو زبان کی ترقی میں سندھ اور حیدرآباد کے شہریوں نے اہم کردار ادا کیا ہے جس کا منہ بولتا ثبوت "محفل چہاربیت " ہے ۔ پروفیسر انور احمد کے مطابق اس محفل میں حیدرآباد ہی نہیں بلکہ کراچی سے تعلق رکھنے والے ادیبوں اور شاعروں نے بھی شرکت کی ہےجو چہار بیت کی تاثیر صنف کی دلیل ہے
ایمز ٹی وی (تعلیم) بلڑی شاہ کے گورنمنٹ گرلز اسکول میں اساتذہ غیر حاضری روز کا معمول ہے جبکہ اسکول میں بجلی پانی جیسی سہولیاتیں بھی مہیا نہیں ہیں۔
سہولیات کا فقداں اور اساتذہ کی غیر حاضری کے باعث سیکڑوں بچوں کا تعلیمی مستقبل تباہ ہورہا ہے۔
طلبہ کے والدین کا کہنا ہے کہ اسکول کے اس حال کی وجہ ضلع ٹنڈوخان کے افسران کی نااہلی ہے ۔
اسکول کی دیوار ٹوٹ کر گیر چکی ہے ، جبکہ اسکول میں بجلی کی سہولت موجود نہ ہونے کی وجہ سے طلبہ کو شدید گرمی میں پڑھنا پڑ رہا ہے۔
واضح رہے کہ اس تمام صورت حال کے نتیجے میں انتظامیہ کی جانب سے اب تک کوئی ردعمل سامنے نہیں آیا ہے ۔
ایمز ٹی وی(ایجوکیشن)سر سید یونیورسٹی آف انجینئرنگ اینڈ ٹیکنالوجی میں طلبہ وطالبات کی جانب سے یونیورسٹی انتظامیہ کے خلاف مظاہروں کا سلسلہ جاری ہے۔گزشتہ روز ہونے والے مظاہرے میں سیکڑوں طلبہ و طالبات شریک تھے۔مظاہرین کا مطالبہ تھا کہ سینئر اور اہل اساتذہ کو برطرف کرنے کا فیصلہ فوری واپس لیا جایے۔فیسوں میں حالیہ اضافہ ناقابل برداشت ہے جسے وہ نامنظور کرتے ہیں۔
طلبہ کی جانب سے کئ روز سے جاری معمولی احتجاج نے گزشتہ روز طول پکڑلیا۔سڑک بند کردی جس کے بعد یونیورسٹی انتظامیہ کو احتجاج ختم کرانے کے لئے پولیس طلب کرنا پڑی۔فیسوں میں اضافے کے حوالے سے جب یونیورسٹی انتظامیہ سے رابطے کی کوشش کی تو کلیدی عہردں پر فائز زمہ داران اس حوالے سے اپنا موقف دینے سے پہلو تہی کرتے رہے