ایمزٹی وی (فارن ڈیسک)شام نے گولان کی پہاڑیوں کے قریب اسرائیلی ڈرون طیارہ مار گرانے کا دعویٰ کیا ہے۔ سرکاری میڈیا کے مطابق شام کے صوبے قنیطرہ کے گاوٗں حدر میں ڈرون طیارے کو نشانہ بنایا گیا ہے، تاہم اس دعوٰے کی تاحال تصدیق نہیں ہوسکی۔ حدر کے علاقے میں اس سے قبل بھی اسرائیلی اور شامی افواج کے درمیان جھڑپیں ہوتی رہی ہیں۔ پچھلے ہفتے بھی شام نے الزام لگایا تھا کہ اسرائیلی طیاروں نے دارالحکومت دمشق کے قریب بمباری کی ہے ۔