ایمز ٹی وی (فارن ڈِسک)یہ سال دنیا بھرمیں رکارڈ کے مطابق اب تک کا گرم ترین سال ہوگا۔ماہرین موسمیات کے مطابق جب سے برطانیہ میں موسم کا ریکارڈ مرتب ہو رہاہے۔اس سال کے پہلے دس ماہ میں عالمی درجۂ حرارت طویل عرصے سے ریکارڈ کیے جانے والے اوسط درجۂ حرارت سے 0.57 سیلسئس زیادہ رہا اور برطانیہ میں پہلے 11 ماہ کے دوران اوسط درجۂ حرارت، اوسط درجۂ حرارت سے1.6 ڈگری سینٹی گریڈ سےزیادہ رہا۔برطانوی محکمۂ موسمیات کی تحقیق میں کہا گیا ہے کہ درجۂ حرارت میں یہ اضافہ انسان کی سرگرمیوں کے نتیجے میں پیدا ہونے والی گرین ہاؤس گیسوں کے اثرات کے بغیر ممکن نہیں۔