کراچی: نامور پاکستانی اداکارہ اقراعزیر نے اپنے سوشل میڈیا اکاؤنٹ پر ایک ویڈیو شیئر کی ہے جس میں وہ دلہن اور یاسر حسین دلہا بنے ہوئے نظر آرہے ہیں۔

 

اداکارہ اقرا عزیز اور یاسر حسین کا شمار پاکستان شوبز انڈسٹری کی مقبول جوڑیوں میں ہوتا ہے اور مداح بے چینی سے دونوں کی شادی کا انتظار کررہے ہیں۔ یہاں تک کہ اقرا عزیز خود بھی اپنی شادی کے دن گن رہی ہیں۔ اور اب دونوں کی ایک ویڈیو وائرل ہورہی ہے جس میں اقرا دلہن اوریاسر دلہا کے روپ میں نظر آرہے ہیں۔

 

تاہم اقرا عزیز اوریاسر حسین حقیقت میں دلہا دلہن نہیں بنے ہیں بلکہ دونوں نے ایک برائڈل شوٹ کے لیے یہ روپ اختیار کیا ہے۔ اقرا عزیز نے ایک ویڈیو اپنے سوشل میڈیا اکاؤنٹ پر شیئر کی ہے جس میں وہ اور یاسر ڈیزائنر علی ذیشان کے برائیڈل فوٹو شوٹ کے لیے دلہا دلہن بنے ہوئے ہیں۔