اتوار, 27 نومبر 2022


مہوش حیات نے خاموشی توڑ دی

کراچی: اداکارہ مہوش حیات نے انہیں تمغہ امتیاز ملنے پر سوال اٹھانے والوں کو آڑے ہاتھوں لیا اداکارہ مہوش حیات نےکہا کہ لوگوں سے خواتین کی کامیابی کیوں ہضم نہیں ہوتی اور جس طرح خواتین کے کردار پر سوال اٹھائے جاتے ہیں اس طرح مردوں پر سوالات کیوں نہیں اٹھائے جاتے۔ پاکستانی اداکارہ مہوش حیات کو شوبز انڈسٹری میں گراں قدر خدمات انجام دینے کے لیے حکومت پاکستان کی جانب سے 23 مارچ کو تمغہ امتیاز دینے کا فیصلہ کیا گیا ہے، تاہم جب سے یہ اعلان ہوا ہے مہوش حیات لوگوں کے نشانے پر آگئی ہیں۔ لوگ سوال اٹھارہے ہیں کہ مہوش حیات نے آخر ایسا کون ساکارنامہ انجام دے دیا جس کے صلے میں انہیں تمغہ امتیاز دیا جارہا ہے۔ مہوش حیات نے انہیں تمغہ امتیاز ملنے پر تنقید کرنے والوں کو آڑے ہاتھوں لیتے ہوئے کہا مجھے ایوارڈ ملناچاہئے یا نہیں یہ ایک الگ معاملہ ہے اور لوگ اس پر اپنی رائے دینے کے حقدار ہیں، تاہم اس حوالے سے میری کردار کشی کرنا حد پار کرنے کے مترادف ہے۔ ہماری انڈسٹری میں اگر کوئی خاتون کامیابی حاصل کرتی ہے یا اسے اس کے کام کے لیے سراہا جاتا ہے تو لوگ کیوں اس کے کردار پر شک کرنے لگ جاتے ہیں؟ جب کہ کسی آدمی کے کام کو جب سراہا جاتا ہے اور اسے کسی اعزاز سے نوازا جاتا ہے تو لوگ اس کے کردار پر سوال کیوں نہیں اٹھاتے؟ مہوش حیات کا کہنا تھا کہ تمغہ امتیاز کی صورت میں مجھ پر بھاری ذمہ داری عائد ہوتی ہے کیونکہ بہت ساری لڑکیاں مجھے رول ماڈل کے طور پر دیکھتی ہیں اور میں نے ہمیشہ اس بات پر یقین رکھا ہے کہ میں دیگر خواتین کے لیے اچھی مثال قائم کروں

پرنٹ یا ایمیل کریں

Leave a comment