اتوار, 14 اگست 2022


سارہ علی خان نے اپنی بڑھتی مقبولیت کا راز بتا دیا

ممبئی: بالی وڈ میں چھوٹے نواب سیف علی خان کی صاحبزادی سارہ علی خان کے خوب چرچے ہیں، ایسے میں اداکارہ نے خود اپنی مقبولیت کی وجہ بھی بتادی۔ داکارہ نے فلم نگری میں قدم فلم ’کڈرناتھ‘ سے رکھا جس میں جاندار اداکاری اور دلکش ادائوں سے سب کا دل جیت لیا اور اب سارہ علی خان کی دوسری فلم ’سمبا‘ 28 دسمبر کو ریلیز ہونے جارہی ہے جس میں وہ اداکار رنویر سنگھ کے ساتھ پہلی مرتبہ جلوہ گر ہوں گی۔ فلم کی ریلیز سے قبل ہی فلم کا ٹریلر اور گانے مداحوں میں مقبول ہوچکے ہیں تاہم فلم کی تشہیر زور و شور سے جاری ہے۔ تشہیر کے دوران سارہ علی خان کا میڈیا سے بااعتماد انداز میں گفتگو کرنا اداکارہ کے مداحوں میں اضافے کا باعث بن گیا ہے جس پر قیاس آرائیاں کی جارہی ہیں کہ سارہ علی خان ایک ہوشیار اداکارہ ہیں۔ اداکارہ کا کہنا تھا کہ فلم انڈسٹری گھیرے میں لے لیتی ہے ایسے میں چیزوں کو متوازن کر کے کیسے چلنا ہے یہ سب سے زیادہ اہم ہوتا ہے، ہر چیز پر لاپرواہ نہیں ہو سکتے اور بہت زیادہ ذہنی دباوبھی خطرناک ہے اس لیے جب اکیلے ہوں تو چیزوں کو سوچنا سمجھنا چاہیے‘۔

پرنٹ یا ایمیل کریں

Leave a comment