کراچی: ثانوی تعلیمی بورڈ کراچی نے جماعت دہم سائنس گروپ کےسالانہ امتحانی فارم سال 2022کےجمع کرانےکاشیڈول جاری کردیا ہے۔

میٹرک بورڈ کے چیئرمین سید شرف علی شاہ کی ہدایت کے مطابق ایسے طلباء وطالبات جو نہم جماعت 2021، گزشتہ سالوں میں ناکام، امپروومنٹ آف گریڈ، اضافی پرچے یا دیگر بورڈز کے امتحانات2022 میں شریک ہونا چاہتے ہیں وہ بھی امتحانی فارم جمع کرا سکتے ہیں جبکہ گورنمنٹ اسکولوں کو بھی ہدایات کی جاتی ہے کہ وہ امتحانی فارم بغیر کسی فیس کے دیئے گئے شیڈول کے مطابق لازمی جمع کرا دیں۔

فارم3فروری سے 7مارچ 2022تک بغیر لیٹ فیس کے ساتھ وصول کئے جائیں گے۔ جبکہ 8 مارچ سےلیٹ فیس کےساتھ فارم جمع کرائے جاسکیں گے۔