کراچی: گورنرہاﺅس میں احساس پروگرام کے تحت داﺅد یونیورسٹی آف انجینئرنگ اینڈ ٹیکنالوجی کے طالب علموں کو اسکالر شپ کی تقسیم کی تقریب منعقد کی گئی۔

 

تقریب سے گورنرسندھ کا خطاب کرتے ہوئے کہنا تھاکہ داﺅد یونیورسٹی کے 145 طالب علموں کو اسکالر شپ ملنے پر مبارکباد دیتا ہوں۔ احساس پروگرام سماجی شعبہ میں پاکستان کی تاریخ کا سب سے بڑا پروگرام ہے۔ اس پروگرام میں ضرورت مند اور کم آمدنی والے گھرانوں کے ہونہار طالب علموں کو وظائف دیئے جارہے ہیں جبکہ ذہین طالب علموں کی 100فی صد ٹیوشن فیس کی ادائیگی کی جائےگی۔

 

گورنرسندھ کاکہناتھاکہ اس پروگرام میں شامل طالب علموں کو ماہانہ 4000 روپے کیش بھی دیا جارہا ہےہر سال چاروں صوبوں ، آزاد کشمیر اور گلگت بلتستان کے 50 ہزار طالب علموں کو اس پروگرام کے تحت وظائف دیئےجائیں گے۔

۔

انہوںےمزید کہاکہ طالب علم ہمارا اثاثہ ہیں۔ انہیں آگے چل کر ملک کی باگ دوڑ سنبھالنی ہےذہین اور ہونہار طالب علموں کو اس پروگرام کے تحت اپنی صلاحیتوں کے اظہار کے بھرپور مواقع ملیں گےتعلیم کی تکمیل کے بعد نوجوان وزیراعظم کے کامیاب جوان پروگرام سے استفادہ کرسکتے ہیں۔

 

یومِ آزادی کےحوالےسےپیغام دیتے ہوئے کہاکہ جشن آذادی کے موقع پر ہم سب کو عہد کرنا چاہئے کہ ملکی مفاد کو ہر چیزپر فوقیت دیں گے۔ آج کا دن ہمارے لئے فخر کا دن ہے کیونکہ ہم ایک آزاد قوم ہیں۔ داﺅد یونیورسٹی کو ایک نمایاں تعلیمی ادارہ بنانے میں وائس چانسلر فیض اللہ عباسی کی خدمات لائق تحسین ہیں