کراچی: جامعہ کراچی نے ایم فل اور پی ایچ ڈی کے 52 طلباوطالبات کے لئے اسکالرشپ کی منظوری

 

جامعہ کراچی کے وائس چانسلر پروفیسر ڈاکٹر خالد محمودعراقی نے ایم فل اور پی ایچ ڈی 2019 ءکے اسکالرشپ کی منظوری دے دی ہے۔مذکورہ پروگرام کے تحت ایم فل کے 36 طلباوطالبات جبکہ پی ایچ ڈی کے 16 طلباوطالبات کو اسکالرشپ دینے کی منظوری دی گئی۔

 

تفصیلات کے مطابق ایم فل کے طلبہ کو 8000 روپے ماہانہ جبکہ پی ایچ ڈی کے طلبہ کو 10000 روپے ماہانہ دیئے جائیں گے۔ایم فل پروگرا م کے اسکالر شپ کا دورانیہ ایک سال جبکہ پی ایچ ڈی کے اسکالرشپ کا دورانیہ دوسال پرمشتمل ہے۔

 

واضح رہے کہ مذکورہ اسکالرشپ کے حصول کے لئے انسٹی ٹیوشنل ایوارڈ اسکالرشپ کمیٹی کے سامنے انٹرویوز23 اپریل 2019 ءکو کلیہ علوم کے کونسل روم میں منعقد ہوئے تھے اور کمیٹی کی متفقہ سفارشات پر مذکورہ ناموں کی منظوری دی گئی۔