ایمز ٹی وی(تعلیم /کراچی ) وفاقی اردو یونیورسٹی انجمن غیر تدریسی ملازمین ویلفئیر ایسوسی ایشن گلشن اقبال کے تحت منگل کی رات کورنگی میں سڑک کے حادثے میں جان بحق ہونے والے جنریٹرآپریٹر عدیل خان کی یاد میں تعزیتی اجلاس منعقد کیا گیا مقررین نے جواں سال ملازم کی خدمت کو سراہا،اہل خانہ سے تعزیت کا اظہار کیا اور مرحوم کے ایصال ثواب کیلئے فاتحہ خوانی کی۔ مقررین نے انتظامیہ سے مرحوم کی اہلیہ کو جامعہ اردو میں ملازمت دینے کی درخواست بھی کی۔مقررین میں غیر تدریسی ملازمین ویلفیئر ایسوسی ایشن کے جوائنٹ سیکرٹری حسیب زاہد،نائب صدر محمد اکرم،شعبہ پی این ڈی کے ڈائریکٹر فہد شیخ،ہلال اور یامین شامل تھے اجلاس میں گزشتہ ہفتہ وفات پانے والے ریٹائرڈ ملازم قلندر خان اور دیگر کے ایصال ثواب کیلئے بھی دعا کی گئی۔