Displaying items by tag: india

ایمزٹی وی(اسلام آباد)وزیر اعظم نواز شریف دو روزہ دورے پر ترکمانستان پہنچ گئے۔ وزیراعظم اشک آباد میں بین الاقوامی کانفرنس میں شرکت کرینگے۔ہوائی اڈے پر ترکمانستان کے ترجمان کے مطابق وزیراعظم اشک آباد میں بین الاقوامی کانفرنس میں شرکت کرینگے۔ کانفرنس میں دیگر ممالک کے سربراہان بھی شرکت کرینگے۔ وزیر اعظم نواز شریف ترکمانستان کے صدرقربان علی محدوف کی دعوت پر دورہ کررہے ہیں۔ترجمان کا کہنا ہے کہ وزیر اعظم نواز شریف تاپی گیس پائپ لائن منصوبے کےسنگ بنیاد کی افتتاحی تقریب میں شرکت کرینگے۔ دورے کے دوران ترکمانستان سے دوطرفہ تعلقات اور خطے کی صورتحال پر تبادلہ خیال کیا جائے گا۔ پاکستان تجارت‘ توانائی‘ دفاعی شعبوں میں تعاون پر بھی ترکمانستان سے بات کریگا۔ذرائع کے مطابق وزیراعظم کی بھارتی ہم منصب نریندر مودی سے ملاقات کا بھی قوی امکان ہے۔ ملاقات پیرس‘ بنکاک اور اسلام آباد کی ملاقاتوں کا تسلسل ہے۔ ذرائع کے مطابق ملاقات سے دونوں ممالک کے درمیان جامع مذاکرات شروع کرنے میں مدد ملے گی۔ ملاقات سے دونوں ممالک میں اعتماد سازی کو فروغ اور رابطوں میں تیزی آئے گی۔

ایمزٹی وی(اسپورٹس)انٹرنیشنل کرکٹ کونسل نے آئندہ سال بھارت میں ہونے والے ورلڈ ٹی ٹوئنٹی کا لوگو جاری کردیا۔تفصیلات کے مطابق کرکٹ کے تیز ترین فارمیٹ ٹی ٹوئنٹی کی عالمی جنگ آئندہ سال بھارت میں ہوگی۔ اس ایونٹ میں دنیا کی سولہ بہترین ٹیمیں11مارچ سے 3اپریل 2016تک گراونڈ میں بھرپور ایکشن میں دکھائیں دیں گی۔سری لنکاکی ٹیم ایونٹ میں اعزاز کا دفاع کرے گی۔ سابق چیمپئین پاکستان اور بھارت بھی ٹائٹل جیتنے کے لئے بھرپور زور لگائیں گے۔

ایمزٹی وی(اسپورٹس) پاکستان اور بھارت کے درمیان کرکٹ سیریز پر معاملات طے پا گئے سفارتی ذرائع کے مطابق دونوں ملکوں کے درمیان سیریز24دسمبر سے 5جنوری کے درمیان کھیلی جائے گی۔تفصیلات کےمطابق پاکستان اور بھارت کے درمیان مجوزہ سیریز کو مزید مختصر کر دیا گیا ہےاب سیریز میں کوئی ٹیسٹ میچ شامل نہیں ہو گا بلکہ دونوں ملکوں کے درمیان تین ون ڈے اور ایک ٹی ٹوینٹی میچ پر مشتمل سیریز کھیلی جائے گی۔سیریز کا باقاعدہ اعلان بدھ کو سرتاج عزیز اور سشما سوراج کے درمیان ملاقات کے بعد کیا جائے گا۔ سیریز کے مختصر ہونے سے پی سی بی کو نشریاتی حقوق کی مد میں نقصان کا اندیشہ ہے۔

ایمزٹی وی(کراچی)گزشتہ روز شہرِ قائد میں چار روزہ آٹھویں عالمی اردو کانفرنس شروع ہوگئی ہے۔آٹھویں عالمی اردو کانفرنس میں اردو مشاعرے، مختلف شعبہ ہائے زندگی میں اردو کی اہمیت، اردو زبان کے دیگر زبانوں سے تعلقات، خطے میں اردو کے فروغ، اردو زبان، ادب و اہمیت کے اعتبار سے مختلف پروگرام رکھے گئے ہیں، جن میں بھارت، ناروے، امریکہ، ڈنمارک، برطانیہ اور دیگر ممالک سے مصنفین و شعرا مدعو کئےگئے ہیں۔ کانفرنس کے دوران، مختلف مصنفین کی کتابوں کی رونمائی بھی ہوگی۔آٹھویں عالمی اردو کانفرنس کا سلسلہ 11 دسمبر تک جاری رہےگا۔

ایمزٹی وی(انٹرنیشنل) اقوام متحدہ کے سیکریٹری جنرل بانکی مون نے پیرس میں نوازشریف اور نریندرمودی کی ملاقات کوخیرمقدم کرتے ہوئے کہا ہے کہ دونوں جوہری ہمسایہ ممالک کے درمیان اختلافات کے خاتمے کے لیے مذاکرات ہی واحد راستہ ہیں۔اس حوالے سے سیکریٹری جنرل کا مزید کہنا تھا کہ اقوام متحدہ پاکستان اوربھارت کے درمیان اختلافات اورمسائل کے پرامن حل کے لیے مذاکرات کاحامی ہے۔ملاقات سے دونوں ممالک کے درمیان سرد مہری میں کمی آئے گی۔

ایمزٹی وی(انٹرنیشنل)بھارتی سرحد بند ہونے کے باعث نیپال میں خوراک اور ادویات کی کمی ہوگئی ہے جس کی وجہ سے بچوں میں شدید خطرہ لاحق ہوگیا ہے۔ تفصیلات کے مطابق اقوام متحدہ کے عالمی ادارے یونیسیف نے خبردار کیا ہے کہ نیپال میں موسم سرما کے آتے ہی ایندھن ، خوراک، ادویات اور ویکسینز کی قلت سے30 لاکھ سے زائد عمر بچوں کی ہلاکت یا بیماریوں کا خطرہ لاحق ہے۔نیپال میں 60 فیصد ادویات کے علاوہ تیل، خوراک اور دیگر اشیا بھی بھارت ہی سے نیپال آتی ہیں۔بھارتی سرحد بند ہونے کے سبب خوراک اور ادویات کی کمی ہوگئی ہے جب کہ نیپال کی مہیسی اقلیت کا کہنا ہے کہ نئے آئین میں ان کو حقوق نہیں دیے گئے ہیں جس وجہ سے انہوں نے نیپال اور بھارت کی سرحد کو دو ماہ سے بند کیا ہوا ہے جس سے مشکلات کا سامنا ہے۔

ایمز ٹی وی (انٹرٹینمینٹ) پاکستان کے مشہور افسانہ نگار سعادت حسن منٹو کے مداح پاکستان کے علاوہ بھارت میں بھی موجود ہیں۔یہی وجہ ہے کہ بھارتی فلمساز نندتا داس نے منٹو کی زندگی پر فلم بنانے کا اعلان کیا ہے ۔ اس فلم میں مرکزی کردار کے لیئے ورسٹائل اداکار عرفان خان کو پیشکش کی گئی جس کے لیئے انہوں نے رضا مندی ظاہر کی ہے۔ دیگر کرداروں کے لیئے بھی اداکاروں سے رابطے کیئے جارہے ہیں جس کے بعد فلم کی باقاعدہ شوٹنگ شروع کی جائے گی۔

ایمز ٹی وی(انٹرنیشنل) بھارت میں بڑھتی ہوئی مذہبی انتہا پسندی اور بعض پر تشدد واقعات کے باعث روس نے بھارت کو محفوظ سیاحتی مقام کی فہرست سے نکالتے ہوئے روسی شہریوں کو وہاں سفر نہ کرنے کی ہدایت کی ہے۔بھارت بالخصوص ”گوا“ کو روسی شہریوں کے لیئے غیر محفوظ قرار دیا ہے۔

ایمزٹی وی(اسلام آباد) چین نے پاکستان کو نیوکلیئر سپلائرز گروپ کی رکنیت دلانے کی ممکن کوشش کی یقین دہانی کرادی۔ذرائع کے مطابق پاکستان کو یقین دہانی صدر ممنون حسین کی قیادت میں اعلٰی سطح کے اجلاس میں دورہ بیجنگ میں کرائی گئی۔تفصیلات کے مطابق نیوکلیئر سپلائرز کے حوالے سے پاکستان نے اپنا مؤقف دیتے ہوئے کہاکہ پاکستان کو اس گروپ کی کنیت سے محروم رکھ کر اور بھارت کو اجازت دینا دونوں ممالک کے درمیان تفریق کرنا ہے،بھارت کو رکنیت دینے کے حوالے سے ذرائع کا کہناتھا کہ پاکستان بھارت کے چپکے سے نیوکلیئر سپلائزر میں شامل کرنے کی سفارش سے آگاہ ہے اور چین کو بھی اس سے آگاہ کردیا گیا ہے جس کے بعد چین کا اس حوالے سے کہنا تھا کہ جنوبی ایشیا کی دونوں جوہری ریاستوں میں تناؤ میں کمی اور خطے میں استحکام لانے کے بجائے بھارتی لابی تناؤ میں اضافہ کی کوشش کررہی ہے۔ذرائع کے مطابق پاکستان نیوکلیئر سپلائرز گروپ میں شامل ہونا چاہتا ہے لیکن بڑی طاقتوں کی مخالفت کی وجہ سے مشکلات درپیش ہیں۔ تاہم چین کی حمایت کرنے سے امید کی کرن نظر آرہی ہے۔پاکستان کی راہ میں رکاٹیں کھڑی کرنے پرچین بھارت کی رکنیت روکنے پر مجبور ہوسکتا ہے۔واضح رہے چین اس گروپ کا رکن ہے اور ویٹو کا اختیار بھی رکھتا ہے اگر پاکستان کو محروم رکھ کر بھارت کو گروپ کی رکنیت دینے کی کوشش کی گئی تو چین اس اقدام کو ویٹو کردے گا۔

ایمز(کھیل)شائقین کرکٹ کے لئے اچھی خبر یہ ہے کہ پاک بھارت کرکٹ سیریز کا اونٹ کسی کروٹ بیٹھ ہی گیا۔وزیراعظم نواز شریف نے پی سی بی کو سری لنکا میں کھیلنے کی اجازت دے دی۔ذرائع کے مطابق کرکٹ بورڈ کو کہا گیا ہے کہ بھارت سے بات ضرور کریں مگر اپنی شرائط کی وکٹ پر وزیراعظم ہاﺅس کو لمحہ بہ لمحہ صورتحال سے آگاہ کرتے رہیں۔وزیر اعظم کرکٹ بورڈ کو زبانی ہدایات دے کر مالٹا دورے پر روانہ ہوگئے۔وزیراعظم ہاﺅس آج تحریری طور پر پی سی بی کو خط کا جواب دے گا۔بھارتی بورڈ کے جواب کے بعد تاریخوں کا تعین بھی جلد کیا جائیگا۔