Displaying items by tag: india

ایمز ٹی وی (تجارت)بھارتی حکومت نے ملک میں سب سے بڑے 1000اور 500 روپے کے کرنسی نوٹ ختم کرنے کے فیصلے معیشت کو بھاری نقصان کا اعتراف کرلیا جس کے نتیجے میں معاشی نمو کی شرح پر نظرثانی بھی کردی گئی ہے۔ گزشتہ روز جاری سالانہ اقتصادی سروے رپورٹ میں کہاگیا ہے کہ بڑے نوٹ واپس لینے سے زراعت، ریئل اسٹیٹ اور جیولری سمیت متعدد شعبے متاثر ہوئے، آمدنی میں کمی ہوئی اور ملک میں بیروزگاری پھیلی۔ سروے میں حکومت نے مارچ میں ختم ہونے والی مالی سال میں گروتھ ریٹ 7.1فیصد رہنے کا امکان ظاہر کیاہے جو گزشتہ مالی سال میں 7.6فیصد کی شرح سے کم ہے، بڑے نوٹ واپس لینے سے طلب کم اور بے یقینی بڑھی جس سے معاشی نمو کی رفتار سست پڑ گئی۔

سروے تیار کرنے والے حکومت کے چیف اقتصادی مشیر اروند سبرامانیان نے دہلی میں پریس کانفرنس کرتے ہوئے کہاکہ مذکورہ حکومتی فیصلے کے مختصر مدتی نقصانات ہوئے جو حقیقی اور بڑے ہیں۔ غیررسمی شعبے سے منسلک لوگوں کو مشکلات اور ہزیمت کا سامنا کرنا پڑا مگر اس کے طویل مدتی فوائد ہوں گے۔ وزیر خزانہ ارون جیٹلے نے سروے کے حوالے کہاکہ سرمائے کی قلت مارچ کے اختتام تک پوری ہو جائے گی اور معیشت پھر معمول پرآجائے گی، آئندہ سال گروتھ 6.75سے 7.5فیصد تک رہے گا تاہم ماہرین نے معاشی نمو کے لیے بڑی رینج دینے پر خیال ظاہر کیا ہے کہ اتنی بڑی رینج دینے لگتا ہے کہ بڑے نوٹوں کی واپسی کے اثرات آئندہ سال تک پھیل جائیں گے۔

یمز ٹی وی (انٹر ٹینمنٹ ) سنجے لیلا بھنسالی کی فلم پدماوتی کی شوٹنگ کو جے پور میں کارنی سینا جماعت کے مظاہرین نے رکوادیا، مظاہرین کا دعویٰ ہے کہ فلم میں پدما وتی کے کردار کو منفی رنگ میں پیش کیا جارہا ہے۔ فلم میں پدماوتی کا کردار دیپکا پاڈوکون ادا کررہی ہیں اور حال ہی میں انہوں نے راجھستان میں فلم کی شوٹنگ کا آغاز کیا ہے۔ مشتعل مظاہرین نے فلمنبدی کا سازوسامان اٹھا کر پھینک دیا، احتجاج کی شدت دیکھتے ہوئے سنجے لیلا بھنسالی پولیس کو بلانے پر مجبور ہوگئے،جے گڑھ میں ہونے والی شوٹنگ کو احتجاج کے باعث کچھ دیر کیلئے روکنا پڑا۔ کارنی سینا وہی گروپ ہے جس نے آشوتوش گواریکر کی فلم جودھا اکبر کے خلاف بھی احتجاج کیا تھا ،ان کا کہنا تھا کہ جودھا نے اکبر سے نہیں اس کے بیٹے سے شادی کی تھی۔ راجسھتان کے راجپوتوں کے بارے میں کہا جاتا ہے کہ وہ اپنی روایات، تاریخ اور ثقافت کے حوالے بہت بہت سمجھے جاتے ہیں، اور بالی وڈ کا اس حوالے سے آزادی کا رجحان کمیونٹی کیلئے خدشات کا سبب بنتا ہے۔ سنجے لیلا بھنسالی کی فلم باجی راؤ مستانی کو بھی باجی راؤ اور مستانی کی اولاد کے حوالے سے غصہ کا سامنا کرنا پڑا تھا،ایسا لگتا ہے کہ پدماوتی کو بھی اسی صورتحال کا سامنا ہے۔راجپوت کمیونٹی کے ذرائع کا کہنا ہے کہ ہمیں اسکول جانے سے پہلے اپنی خاندانی تاریخ کے بارے میں بتادیا جاتا ہے، کمیونٹی نے پہلے ہی بھنسالی کو اس حوالے پیغام دے دیا تھا کہ رانی کے کردار کو منفی طرح سے پیش کئے جانے کو برداشت نہیں کیا جائیگا، بولی وڈ اور مفکرین حقیقی کرادروں پر فلم بنانے کیلئے بہت زیادہ آزاد خیالی سے کام لیتے ہیں جو ہماری کمیونٹی کو پسند نہیں

ایمز ٹی وی ( انٹرٹینمنٹ) بھارت میں حال ہی میں ہونے والی ٹائم سیلیبیکس کی گزشتہ ماہ کی درجہ بندی کے مطابق مرد اداکاروں میں عامر خان جبکہ خواتین اداکاروں میں دپیکا پڈوکون پہلے نمبر پر آگئی ہیں۔ عامر خان ان دنوں اپنی نئی فلم ’’دنگل‘‘ کے حوالے سے کافی مقبولیت حاصل کر رہے ہیں جبکہ دپیکا پڈوکون اپنی نئی ہالی ووڈ فلم’’ٹرپل ایکس‘‘کے حوالے سے میڈیا میں نظر آ رہیں ،یہی وجہ ہے کہ ان دونوں بالی ووڈ اداکاروں نے ٹائم سیلیبیکس کی درجہ بندی میں تمام فنکاروں کو پیچھے چھوڑ دیا ہے۔ ٹائم سیلیبیکس کی رینکنگ کے مطابق مرد اداکاروں کی بات کی جائے تو شاہ رخ دوسرے نمبر پر ، سلمان خان تیسرے نمبر پر اور رنویر سنگھ چوتھے نمبر پر رہے۔ خواتین اداکاروں میں پریانکا چوپڑا دوسرے، سونم کپور تیسرے اور انوشکا شرما چوتھے نمبر آگئی ہیں۔

ایمز ٹی وی (مانیٹرنگ ڈیسک)بھارت کے انجینئرنگ اسٹوڈنٹ کے عزم سے شروع ہونے والا تجربہ بھارت کی سب سے بڑی روبوٹ کمپنی کی بنیاد بن گیا، بھارت کی روبوٹک کمپنی گرے اورنج اربوں ڈالر کی سرمایہ کاری کا منبع بن چکی ہے۔ 2008 میں بھارتی طالبعلم انسان نما روبوٹ بنانا چاہتا تھا، استاد کی جانب سے ایسا تجربہ ناممکن قرار دینے کے باوجود سمے کوہلی نے امید نہیں چھوڑی، اپنے ساتھی طالبعلم کی مدد سے نہ صرف بھارت کا پہلا انسان نما روبوٹ بنایا بلکہ بھارت کی سب سے بڑی روبوٹک کمپنی بھی بناڈالی۔ سمے کوہلی کو کوششوں سے شروع ہونے والی روبوٹک کمپنی میں دنیا کی بہترین کمپنیاں سرمایہ کاری کرنے میں دلچسپی لے رہی ہیں۔