Displaying items by tag: india

ایمز ٹی وی (انٹرٹینمنٹ)حال ہی میں بالی ووڈ کے اداکار شاہ رخ خان کو ممبئی میں 'یش چوپڑا میموریل ایوارڈ' سے نوازا گیا۔ اس تقریب میں شتروگھن سنہا، سیمی گریوال، ریکھا اور یش چوپڑا کی بیوی پامیلا چوپڑا بھی شریک ہوئیں۔ اس موقع پر ریکھا نے ایک واقعے کا ذکر کرتے ہوئے بتایا کہ شاہ رخ خان نے انہیں ایک بار نیند سے زبردستی جگایا تھا۔

ریکھا نے کہا: 'ایک بار ہم ہوائی جہاز میں تھے اور میں سو رہی تھی کیونکہ میں تھکی ہوئی تھی۔ مجھے شاہ رخ نے اٹھایا اور کہا کہ میں ڈوبتا ہوا سورج دیکھوں۔ لیکن چونکہ میں اتنی تھکی ہوئی تھی کہ سورج کی جگہ میں نے دیکھا کہ کون مجھے جگا رہا ہے، اور وہ تھے شاہ رخ خان۔' ریکھا نے کہا کہ میں نے سورج نہیں شاہ رخ کو دیکھا اس بات پر شاہ رخ خان نے کہا کہ وہ انھیں سورج نہیں دکھا رہے تھے۔ '

وہ دراصل میں ان سے بات کرنے کے بہانے ڈھونڈ رہا تھا۔ یہ میری زندگی کا سب سے المناک دن ہے کیونکہ ریکھا جی نے مجھے راکھی باندھ دی ہے۔' اس موقع پر شاہ رخ نے یش چوپڑا کو یاد کرتے ہوئے کہا: 'میرا کریئر بنا ہے تو یش چوپڑا کی وجہ سے بنا ہے۔ انھوں نے کہا کہ اگر میں نے رومانٹک فلمیں نہیں کیں تو میرا کریئر ختم ہو جاتا۔ حالانکہ مجھے نہیں لگتا تھا کی میں رومانٹک ہوں اور میری شکل ہیرو جیسی ہے تاہم میں نے ان کی بات سنی اور مجھے کامیابی ملی۔'

تقریب میں شتروگھن سنہا نے کہا کہ شاہ رخ خان 'توانائی کنگ' ہیں اور ان کی کہانی 'زیرو ٹو ہیرو' ہے شاہ رخ نے کہا: 'مجھ سے میرے والد نے کہا تھا کہ اگر کشمیر کبھی جاؤ گے تو میرے ساتھ جاؤ گے۔ پھر وہ ہمارا ساتھ چھوڑ کر چلے گئے۔ برسوں تک میں کشمیر نہیں گیا۔ پھر فلم 'جب تک ہے جان' کے لیے میرے والد کی ہی طرح یش چوپڑا نے کہا کہ چلو کشمیر اور میں ان کے ساتھ گیا۔' اس تقریب میں شتروگھن سنہا نے کہا کہ شاہ رخ خان 'توانائی کنگ' ہیں اور ان کی کہانی 'زیرو ٹو ہیرو' ہے۔

ایمز ٹی وی (انٹرٹینمنٹ)کیا آپ نے کبھی سوچا کہ ایک کرکٹر فلمی دنیا میں قدم رکھ سکتا ہے، بطور ایک اداکار نہیں بلکہ ایک فلم ساز کے طور پر، جی ہاں وہ کوئی اور نہیں بلکہ سابق پاکستانی کرکٹر رمیز راجہ ہیں، جو اپنی پہلی فلم ” طورباز” بنانے جارہے ہیں اور اپنی فلم کیلئے بالی ووڈ اداکار سجنے دت کو کاسٹ کرلیا ہے۔ رمیز راجہ نے ایک انٹرویو میں انکشاف کیا کہ گزشتہ 10 سالوں سے انکے دماغ میں فلم بنانے کا خیال تھا، جیسے سب کو ہی معلوم ہے کہ کرکٹ سے سماجی مسائل حل کیے جاسکتے ہیں، جیسے وہ بچے جو دہشت گردی میں ملوث ہوگئے، انہیں کرکٹ کا سہارا دیا جاسکتا ہے۔ انھوں نے کہا کہ یہ فلم ایک مرد کی کہانی پر مبنی ہے، لہذا خاتون اداکارہ کی کاسٹ کو اتنا اہم نہیں سمجھا جارہا، میری پہلی ترجیح سنجے دت کو اس فلم میں کاسٹ کرنا تھا۔ رمیز راجہ کا کہنا تھا کہ ان کی فلم کرکٹ کے فروغ پر مبنی ہوگی اور اس کا مرکزی خیال کرکٹ کے ذریعہ دہشت گردی پر قابو پانا ہوگا۔فلم طور باز میں کوئی آئٹم نمبر شامل نہیں ، سنجے دت توجہ کا مرکز ہونگے، کیونکہ وہ ایک بہت بڑے اسٹار ہے اور انکے مداح نہ صرف بھارت میں بلکہ دنیا بھر میں ہے۔ گریش نامی ایک بھارتی ڈائریکٹر فلم ‘طورباز’ کے ہدایتکار ہیں اور توقع ہے کہ اس سال مئی یا جون تک شوٹنگ کا آغاز کیا جائے گا

ایمز ٹی وی (بین الاقوامی)پاکستان میں شادی پر اخراجات کو کنٹرول کرنے کے لیے پنجاب حکومت نے ون ڈش متعارف کروائی اور رات دس بجے شادی ہالز کو پابند کیا کہ تقریبات کو محدود کیا جاسکے۔ اب ایسی ہی کہانی انڈیا میں بھی متعارف کروائی جارہی ہے۔اس کی بڑی وجہ بھارت کی تاریخ میں سب سے مہنگی شادی بنی۔ نومبر2016ء میں بھارت کے ایک سابق وزیر اور بزنس مین نرہندہانا ریڈی کی بیٹی کی شادی پر پانچ ارب (بھارتی روپے)خرچہ آیا۔ جس میں دلہن کی ساڑھی کی قیمت170ملین روپے(انڈین)،اور جیولری کی قیمت900ملین روپے تھی۔اس شادی کے دعوت ناموں کو خصوصی سونے کی پلیٹ سے تیار کیا گیا تھا جس میں ایک ایل سی ڈی بھی لگائی گئی تھی۔برازیل سے ڈانس کے لیے خصوصی خواتین و حضرات کو بلاوآیا گیا تھا۔50000مہمانوں کے لیے پارکنگ اور مفت ٹیکسی سروس بھی فراہم کی گئی تھی۔ وی آئی پی مہمانوں کے لیے ہیلی پیڈ کا بھی اہتمام کیا گیا تھا۔ بھارتی حکومت جس نے کرپشن اور کالے دھن کے باعث ملک میں500اور 1000روپے کے کرنسی نوٹ معطل کر دیئے جس کے باعث کروڑوں لوگوں کو شدید مشکلات کا سامنا کرنا پڑا اور سینکڑوں افراد ہلاک بھی ہو گئے وہاں شادی کی اس تقریب نے ملک میں نئی بحث کو بھی شروع کر دیا اور میڈیا میں بھی اس کو لے کر خوب لے دے جاری ہے۔اسی لیے حکومت کو نئے قانون کی بات کرنا پڑی۔ اس قانون کے تحت انڈیا میں شادی پر پانچ لاکھ بھارتی روپوں سے زیادہ خرچہ نہ ہو سکے گا۔ جو اس قانون کو توڑے گا وہ زائد خرچہ کا دس فیصد غریبوں کی شادی کے لیے جمع کروائے گا۔یہ قانون ضروری محسوس کیا جارہا تھا اور پچھلے کئی دہائیوں سے بھارتی معاشرہ کو شادی سے منسلک کئی مسائل کا سامنا تھا۔ جن کی شدت میں تیزی سے اضافہ ہی ہوتا آرہا تھا۔ لیکن یہاں یہ سوال پیدا ہوتا ہے کہ بھارت میں ایسے قوانین متعارف کروائے جارہے ہیں جو کرپشن کو قانونی بنانے پر زور دے رہے ہیں اس سے پہلے کرنسی کے بحران کا حل یہ تھا کہ حکومت کو مخصوص رقم ٹیکس کے طور پر دو اور ساری کرپشن پاک صاف کرالو۔اسی طرح اس قانون میں دس فیصد دینے سے شادی پر ہر طرح کے خرچہ کی اجازت ہو گی۔ اگر پانچ لاکھ انڈین روپوں کی حد عبور کرے گا تو دس فیصد ٹیکس دینا ہو گا۔ یعنی10لاکھ کے خرچہ کے لیے ایک لاکھ دینے ہوں گے۔سوال یہ ہے کہ جو اپنے لیے5ارب روپ خرچہ کر سکتا ہے وہ10,5کروڑ روپے بھی دینے کو تیار ہو جائے گا۔ انڈیا میں ایسی شادیوں کی فہرست کافی لمبی ہے مثلاً انڈیا کے دوسرے امیر ترین شخص لکشمی متھل کی بیٹی کی شادی پر2014ء میں74ملین ڈالر خرچہ آیا۔تمام مہمانوں کو فرانس کے شہر پیرس میں دعوت دی گئی۔ ایک ہزار مہمانوں کے تمام سفری اخراجات،رہائش اور دعوتوں کا خرچہ کیا گیا۔حیرت انگیز باتیہ ہے کہ1981ء میں لیڈی ڈیانا اور چارلس کی شادی پر 30ملین پونڈ خرچ ہوئے تھے۔جبکہ حالیہ شہزادہ ولیم کی شادی پر20ملین پونڈ خرچ ہوئے یعنی بھارتی اب اپنے لیے اس انتہا پر پہنچنے کے خواہش مند ہیں۔ مزیدار بات یہ ہے کہ بھارتی رواج کے مطابق یہ خرچ بیٹی کے ماں باپ کریں گے شاید اسی لیے انڈیا میں لاکھوں خواتین شادی کے بندھن میں بندھی ہی نہیں جا سکتیں۔ کیونکہ اب کے والدین کے پاس جہیز کے لیے رقم ہی موجود نہیں۔شاید یہ قانون ان لڑکیوں کو فائدہ دینے کی بجائے مزید نقصان پہنچائیں۔

ایمز ٹی وی (اسپورٹس)انگلینڈ کے مایہ ناز آل راو¿نڈر بین اسٹوک بھارت میں ہونے والے آئی پی ایل کے دسویں انڈین کے اب تک کے مہنگے ترین کھلاڑی بن گئے ہیں۔ ذرائع کے مطابق انگلش ٹیم کے آل رانڈر بین اسٹوک انڈین پریمیئر لیگ کے دسویں ایڈیشن کے مہنگے ترین کھلاڑی قرار پائے ہیں۔ آئی پی ایل میں کھلاڑیوں کی ہونے والی نیلامی میں بین اسٹوک کو پونے رائزنگ نے ساڑھے 14 کروڑ ڈالر میں خریدا۔

ایمز ٹی وی (انٹرٹینمنٹ)بالی ووڈ کی ڈانسنگ کوئن مادھوری ڈکشٹ کی بغیر میک اپ تصاویر میں بدلی شخصیت نے سب کو حیران کردیا۔ڈانسنگ کوئن 1999 میں شادی کے بعد فلمی کیریئر کو خیرباد کہہ کر امریکہ منتقل ہوگئی تھیں لیکن 2011 میں بھارت واپسی پر اداکارہ نے ایک بار پھر انڈسٹری میں قدم رکھا تاہم اس بار وہ خاطر خواہ کامیابی حاصل نہ کرسکیں۔ اداکارہ نے چھوٹی سکرین پربھی قسمت آزمائی کا فیصلہ کیا اوراب مختلف رقص کے رئیلٹی شوز میں جج کے فرائض سر انجام دے رہی ہیں۔اپنی مسکراہٹ اور خوبصورتی کے حوالے سے مشہور اداکارہ کی بغیر میک اپ تصاویرسوشل میڈیا پر تیزی سے وائرل ہورہی ہیں جس میں ان کی بدلی شخصیت نے مداحوں کو نہ صرف حیران کردیا ہے بلکہ انہیں کسی صورت پہچاننا بھی آسان نہیں۔

ایمز ٹی وی (انٹرٹینمنٹ)پاکستان کے کامیاب اداکار فواد خان کی بالی ووڈ فلم ’کپور اینڈ سنز‘ کو ریلیز ہوئے کافی عرصہ گزر چکا ہے، لیکن آج بھی ہندوستان میں لوگ انہیں بھول نہیں پائے۔ انڈین ایکسپریس کو دیئے گئے ایک انٹرویو میں فلم ’کپور اینڈ سنز‘ کے ہدایت کار شکن بترا نے فواد خان کے حوالے سے گفتگو کی۔ انہوں نے کہا ’مجھے فواد خان بہت یاد آتے ہیں، مجھے نہیں معلوم کہ کیا مجھے اس بات پر خاموش رہنا چاہیے، میں انہیں کسی اور وجہ سے نہیں بلکہ اس لیے یاد کرتا ہوں کہ وہ بہت اچھے انسان ہیں اور ان کے ساتھ کام کرنا اچھا تجربہ تھا‘۔ شکن بترا نے مزید کہا ’ہم ہندوستانی پوری دنیا میں قانونی طور پر کام کرتے ہیں، اسی طرح اگر کوئی اور ہمارے ملک میں قانونی طور پر کام کرنا چاہے تو اسے پوری اجازت ملنی چاہیے، یہ دو طرفہ راستہ ہے‘۔ خیال رہے کہ فلم ’کپور اینڈ سنز‘ فواد خان کی بولی وڈ میں دوسری فلم تھی، انہوں نے 2014 میں فلم ’خوبصورت‘ کے ساتھ بولی وڈ میں ڈیبیو کیا۔ فواد خان کرن جوہر کی فلم ’اے دل ہے مشکل‘ میں بھی اہم کردار ادا کرچکے ہیں اور ان کے کردار کے باعث فلم کو ہندوستان میں ریلیز ہونے پر پریشانی کا سامنا رہا۔ تاہم اب پاکستان اور ہندوستان کے درمیان جاری کشیدگی کے باعث ان پر بالی ووڈ میں کام پر پابندی عائد کی جاچکی ہے۔فواد خان اس وقت پاکستانی ہدایت کار بلال لاشاری کی فلم کی شوٹنگ میں مصروف ہیں۔