Displaying items by tag: india

ایمزٹی وی(انٹرٹینمنٹ)بھارت میں خواتین کے ساتھ جنسی واقعات میں تشویش ناک حد تک اضافہ ہوگیا ،بالی ووڈ اداکار بپاشا باسو نے اس سے لڑنے کا فیصلہ کیا ہے۔ لڑکوں کے مقابلے میں لڑکیوں کا طرز زندگی بہتر بنانے کی دعوے دار مودی سرکار بھی خواتین کے ساتھ جنسی واقعات روکنے میں بری طرح ناکام ہوگئی ہے۔ بھارتی میڈیا کے مطابق اداکارہ بپاشا باسو نے خواتین کے ساتھ بڑھتے ہوئے واقعات کے خلاف بھارت کے مختلف شہروں میں مراکز کھولنے کا فیصلہ کیا ہے ۔ ان مراکز پر خواتین کو کک باکسنگ، مارشل آرٹس، دیگر دفاع کے دیگر طریقے سکھائے جائیں گے، ابتدائی طور پر یہ سینٹرز ممبئی،دہلی اور کولکتہ میں آئندہ برس سے کام شروع کردیں گے

ایمزٹی وی (نئی دہلی)ڈاکٹر ذاکر نائیک کی تبلیغی سرگرمیوں سے خائف بھارتی حکومت نے ان کی غیرسرکاری تنظیم آئی آر ایف ایجوکیشن ٹرسٹ کی رجسٹریشن منسوخ کردی ہے۔ بھارتی میڈیا کی ایک رپورٹ کے مطابق فارن کنٹربیوشن ریگولیشن ایکٹ کے تحت ان کی تنظیم پر بیرون ملک سے فنڈنگ کے حصول پر پابندی عائد کردی گئی ہے۔ 29 مارچ کو جاری ہونے والے منسوخی کے آرڈر میں کہا گیا ہے کہ ممبئی اور چنائی میں اسلامک انٹرنیشنل اسکول کو چلانے والے ٹرسٹ کی رجسٹریشن عوامی مفاد میں اور مذہبی ہم آہنگی کو برقرار رکھنے کے لئے منسوخ کردی گئی ہے۔

ایمز ٹی وی (اسپورٹس) آسٹریلیا کے خلاف چوتھے ٹیسٹ میچ میں رویندرا جدیجا نےبھارتی ٹیم کو فتح کی دہلیز تک پہنچا دیا ہے اور میزبان ٹیم کو میچ میں فتح کیلئے محض 87 رنز درکار ہیں۔ میچ کے تیسرے دن بھارتی ٹیم 332 رنز پر پویلین لوٹ گئی تھی۔ جدیجہ نے 62 اور ساہا نے 31 رنز کی اننگز کھیلی اور اس مشکل وکٹ پر پہلی اننگز میں 32 رنز کی قیمتی برتری حاصل کی۔ جواب میں آسٹریلیا کو ابتدا ہی سے مشکلات کا سامنا کرنا پڑا۔ ڈیوڈ وارنر6، کپتان اسٹیون اسمتھ 17، اوپنر میٹ رینشا 8 رنز بنا کر آئوٹ ہوگئے۔ گلین میکس ویل نے چوتھی وکٹ کیلئے ہینڈز کومب کے ساتھ56رنز جوڑے۔ میکس ویل45، میتھیو ویڈ 25رنز بنا کرآئوٹ ہوئے، آسٹریلیا کی پوری ٹیم 137 رنز پر پویلین لوٹ گئی۔ جدیجا، ایشون اور امیش یادو نے 3،3 وکٹیں حاصل کیں۔ بھارت کو فتح کیلئے 106 رنز کا ہدف ملا اور دن کے اختتام تک میزبان ٹیم نے بغیر کسی نقصان کے 19 رنز بنا کر اپنی فتح کی امیدیں روشن کر لیں ہیں۔ ادھر بھارتی آل رائونڈر اور دنیا کے نمبر ایک بولر رویندرا جدیجا نے کیریئر کا اہم سنگ میل عبور کرلیا ہے۔ انہوں نے آسٹریلیا کے خلاف چوتھے ٹیسٹ میچ کی پہلی اننگز میں اپنی ناقابل شکست 63رنز کی اننگز کے دوران 1000ٹیسٹ رنز اور 100وکٹ کا ڈبل مکمل کرنے کا اعزاز حاصل کرلیا ہے۔ وہ یہ کامیابی حاصل کرنے والے دسویں بھارتی کرکٹر ہیں۔ جدیجا کو یہ کامیابی حاصل کرنے کے لئے 12رنز کی ضرورت تھی جو انہوں نے اپنا 30 واں ٹیسٹ میچ کھیل کر مکمل کی ۔ وہ ون ڈے 1888 رنز اور 151وکٹیں حاصل کرکے ون ڈے ڈبل بھی مکمل کرچکے ہیں۔

ایمز ٹی وی(دھیرادن) بھارت میں انسانوں کے ساتھ جانوروں سے بھی بدترسلوک کیا جاتا ہے۔ کھانے کو خوراک ہے نہ پینے کو صاف پانی مگر اب بھارتی عدالت نے دو دریاﺅں گنگا اور جمنا کو انسانوں کے برابر حقوق دینے کا فیصلہ کیا ہے۔عدالت کا کہنا تھا کہ دریاؤں نے ازل سے ہندوؤں کو جسمانی اور روحانی رزق پہنچایا ہے۔عدالت نے دریاﺅں کے تحفظ کے لئے دو محافظ بھی متعین کرنے کی ہدایات بھی جاری کردیں۔ شمالی انڈیا کی ریاست اتر کھنڈ میں ہائی کورٹ کے فیصلے کے مطابق انڈیا کے دو قدیم اور مقدس دریاؤں، گنگا اور جمنا کو 'زندہ انسان' تصور کیا جائے گا۔عدالت نے کہا ہے کہ اس فیصلے سے ان دریاؤں کا 'تحفظ' ممکن ہو سکے گا اور قانونی حیثیت ملنے کے بعد ان میں ہونے والی آلودگی سے بچاؤ ممکن ہوگا کیونکہ اب ان میں آلودگی کرنا ایک انسان کو نقصان پہنچانے کے مترادف ہوگا۔ریاست کے دو افسران کو گنگا اور جمنا کا 'قانونی محافظ' مقرر کیا گیا ہے جو ان دریاؤں کے حقوق کا دفاع کریں گے۔