Displaying items by tag: india

ایمز ٹی وی (اسپورٹس) پاکستانی نڑاد برطانوی باکسرعامر خان بھارت میں باکسنگ لیگ کرائیں گے۔ پاکستانی نڑاد برطانوی باکسر عامر خان بھارت میں پروفیشنل باکسنگ لیگ منعقد کریں گے، سپر لیگ کے نام سے یہ ایونٹ 7 جولائی سے 12 اگست تک منعقد ہوگا۔ واضح رہے کہ عامرخان رمضان کے بعد رنگ میں بھی اتریں گے باکسر عامر خان یہ لیگ آئیبا پروباکسنگ کی شراکت سے منعقد کررہے ہیں، برطانوی بزنس مین بل ڈوسانج ایس بی ایل کے بانی چیف ایگزیکٹیو ہوں گے۔

ایمز ٹی وی(اسپورٹس) بھارت میں جاری آئی پی ايل کے28ویں میچ میں رائزنگ پونے سپر جائنٹس نے ممبئی انڈينز کو 3 رنز سے ہراديا ہے۔ پونے نے 6 وکٹوں پر 160 رنز بنائے تھے، جس میں راہول تریپاتھی45 اور اجنکیا رہانے کے 38 رنز نمایاں تھے۔ ممبئی انڈینز کے بولرز کی جانب سے کرن شرما اور جسپرت بمراہ نے 2،2 وکٹیں حاصل کیں تھیں۔ ممبئی انڈینز 161رنز کے ہدف کے تعاقب میں 8 وکٹوں پر 157 رنز اسکور کرسکی، ٹیم کی جانب سے کپتان روہت شرما 58رنز کے ساتھ نمایاں رہے،جبکہ پونے کے بولرز کی جانب سے جیادوو اوناڈکٹ اور بین اسٹوکس نے 2،2 کھلاڑی آئوٹ کیے۔ رائزنگ پونے سپر جائنٹس کے بین اسٹوکس مین آف دی میچ کے ایوارڈ سے نوازا گیا ۔اس سے پہلے ممبئی انڈینز نے ٹاس جیت کر پہلے فیلڈنگ کا فیصلہ کیا تھا۔ ٹورنامنٹ کا آج 29واں میچ رائل چیلنجرز بنگلور اور سن رائزرز حیدر آباد کے درمیان بنگلور میں ہوگا۔

ایمز ٹی وی (انٹر ٹینمنٹ ڈ یسک ) بالی ووڈ کے سپر اسٹار سلمان خان فلم انڈسٹری کی کئی حسیناؤں کے ساتھ کام کرنے کے بعد اب اپنی نئی فلم’ٹیوب لائٹ‘ میں چینی حسینہ کے ساتھ رومانس لڑاتے نظر آئیں گے۔

کبیر خان کی ہدایت کاری میں بننے والی اس فلم میں سلمان خان چینی اداکارہ ژو ژو کے ساتھ مرکزی کردارنبھارہے ہیں، جس کا پہلا پوسٹر جاری کردیا گیا ہے۔

چین کے اشتراک سے بنائے جانے والی یہ فلم دونوں ممالک کے سماجی و ثقافتی پس منظر کی عکاسی کرے گی ،جس کے لئے سلمان خان ہندوستان سے چین کا سفر کریں گے اور اس فلم کو ہندی و چینی زبان میں بھی شوٹ کیا جائے گا۔

اس فلم میں شاہ رخ بھی ایک خاص کردار اداکریں گے، جبکہ دیگر کاسٹ میں سہیل خان بھی شامل ہیں۔واضح رہے فلم '’ٹیوب لائٹ‘رواں سال عید کے موقع پر سنیما گھروں کی زینت بنے گی۔

ایمز ٹی وی (انٹر ٹینمنٹ ڈ یسک ) بالی ووڈ کے سپر اسٹار سلمان خان فلم انڈسٹری کی کئی حسیناؤں کے ساتھ کام کرنے کے بعد اب اپنی نئی فلم’ٹیوب لائٹ‘ میں چینی حسینہ کے ساتھ رومانس لڑاتے نظر آئیں گے۔

کبیر خان کی ہدایت کاری میں بننے والی اس فلم میں سلمان خان چینی اداکارہ ژو ژو کے ساتھ مرکزی کردارنبھارہے ہیں، جس کا پہلا پوسٹر جاری کردیا گیا ہے۔

چین کے اشتراک سے بنائے جانے والی یہ فلم دونوں ممالک کے سماجی و ثقافتی پس منظر کی عکاسی کرے گی ،جس کے لئے سلمان خان ہندوستان سے چین کا سفر کریں گے اور اس فلم کو ہندی و چینی زبان میں بھی شوٹ کیا جائے گا۔

اس فلم میں شاہ رخ بھی ایک خاص کردار اداکریں گے، جبکہ دیگر کاسٹ میں سہیل خان بھی شامل ہیں۔واضح رہے فلم '’ٹیوب لائٹ‘رواں سال عید کے موقع پر سنیما گھروں کی زینت بنے گی۔

ایمز ٹی وی (مانیٹرنگ ڈیسک)اسنیپ چیٹ کے سی ای او نے ایون اسپیگل 2015 میں مبینہ طور پر کہا تھا ' یہ ایپ صرف امیر افراد کے لیے ہے، میں اسے غریب ممالک جیسے بھارت او اسپین تک توسیع نہیں دینا چاہتا'۔

یہ بیان اس وقت منظرعام پر آیا جب اس کمپنی کے ایک سابق ملازم انتھونی پومپلیانو نے رواں سال جنوری میں اس ایپ کے خلاف مقدمہ دائر کیا جس کی دستاویزات رواں ہفتے سامنے آئیں۔ اگرچہ گزشتہ روز اسنیپ چیٹ کی جانب سے جاری بیان میں اس بات کی تردید کی گئی ہے کہ ایون اسپیگل نے ایسی کوئی بات نہیں کی مگر غریب ممالک کی بات سامنے آنے کے بعد بھارت میں شدید ردعمل سامنے آیا اور وہاں لوگ اس ایپ کو اسمارٹ فونز سے ڈیلیٹ کرنے لگے جبکہ ٹوئٹر پر #UninstallSnapchat کا ہیش ٹیگ کا ٹرینڈ سامنے آیا۔

ایمزٹی وی(اسپورٹس) پاکستان کرکٹ بورڈ کا اعلیٰ سطح وفد آئندہ ہفتے دبئی میں آئی سی سی میٹنگ میں شرکت کےلئے جارہا ہے۔ بھارتی کرکٹ بورڈ نے رائے عامہ کو ایک بار پھر بگ تھری کے حق میں ہموار کرلی ہے۔ اس ایشو پر پاکستان اور اس کے حامیوں کا بھارت اور اس کے اتحادیوں کے درمیان زورآزمائی ہوگی۔ امکان ہے کہ پاکستان کرکٹ بورڈ اور اس حمایتیوں کو بگ تھری پر شکست ہوجائے گی، جس کے بعد بگ تھری کی تلوار پاکستان کے سر پر پھر لٹکتی رہے گی۔ آئی سی سی بورڈ میٹنگ سے قبل چیئرمین شہریار خان، چیئرمین ایگزیکٹیو کمیٹی نجم سیٹھی اور چیف آپریٹنگ آفیسر سبحان احمد سائیڈ لائنز پر کئی ملاقاتیں کریں گے۔ اب بھارتی کوششیں رنگ لاتی ہوئی دکھائی دے رہی ہیں۔ ایسا لگ رہا ہے کہ بگ تھری کے مسئلے پر پاکستان کرکٹ بورڈ کی قرارداد کو اس بار سخت مخالفت کا سامنا کرنا پڑے گا۔ بھارتی کرکٹ بورڈ نے200 ملین ڈالرز بچانے کے لئے سری لنکا کے علاوہ زمبابوے اور بنگلہ دیش کو بھی اپنے ساتھ ملا لیا ہے۔ شہریار خان کی کوششوں سے گذشتہ بورڈ میٹنگ میں بگ تھری کے خاتمے کے لئے قرار داد کی مخالفت میں آٹھ ووٹ آئے تھے۔ زمبابوے نے رائے شماری میں حصہ نہیں لیا تھا جبکہ بنگلہ دیش نے بگ تھری کی مخالفت میں ووٹ دیا تھا لیکن بھارت کی جانب سے سیریز اور پیسوں کے لالچ کے بعد بنگلہ دیش نے بھارت کی حمایت میں جانے کا فیصلہ کیا ہے۔ ذرائع کا کہنا ہے کہ اس نئی پیش رفت کے بعد پاکستان کرکٹ بورڈ بنگلہ دیش بورڈ کو سبق سکھانا چاہتا ہے اور اس سال جولائی میں ہونے والی سیریز بھی خطرات سے دوچار ہے۔ دبئی میں 24 سے27 جولائی تک ہونے والی میٹنگ میں بگ تھری کا مسئلہ سب سے اہم ہوگا۔ شہریار خان اس میٹنگ میں شرکت کے بعد پاکستان کرکٹ بورڈ کو باضابطہ خیر باد کہہ دیں گے۔ فروری میں دبئی میں ہونے والے آئی سی سی بورڈ اجلاس میں بھارت کی مخالفت کے باوجود بگ تھری کا متنازع قانون منطقی انجام کو پہنچ گیا تھا اور بھارت کی مخالفت کے باوجود بھاری اکثریت سےبگ تھری نظام کا خاتمہ کردیا گیا تھا لیکن فروری کے بعد سے بھارتی بورڈ نے خفیہ ملاقاتوں اور لابنگ کے ذریعے اپنے کیس کو مضبوط بنادیا ہے۔ پاکستان مخالفت میں بھارت نے خزانے کے منہ کھول دیئے۔ بگ تھری کے خاتمےکی حتمی منظوری اس ماہ دی جانی ہے اور عمل درآمد جون میں کیا جائے گا ۔2014 میں بگ تھری کا نظام بھارت ، آسٹریلیا اور انگلینڈ سامنے لائے تھے۔ دبئی میں ختم ہونے والی انٹرنیشنل کرکٹ کونسل کی سال کی پہلی بورڈ میٹنگ میں جس میں بگ تھری کے خاتمے کے بعد آئینی اور مالی تبدیلیوں کی اصولی منظوری دے دی گئی تھی، تاہم بھارتی کرکٹ بورڈ نے اس کی مخالفت کی تھی۔ فروری کے گذشتہ اجلاس میں آئی سی سی کے ورکنگ گروپ کی جانب سے آئینی اور مالی معاملات میں تبدیلیوں کی سفارش کی گئی جس کو آئی سی سی بورڈ نے قبول کرتے ہوئے تبدیلیوں پر غور وخوص اور اراکین کو شامل کرنے کے لیے اپریل میں ہونے والے بورڈ کے اگلے اجلاس میں پیش کرنے کا عزم ظاہر کیا تھا۔ بگ تھری کے خاتمے کی قرار داد کے بعد آئی سی سی کا نیا آئین منظور کر لیا گیا تھا اس ماہ اس کی تو ثیق ہونا ہے۔ متبادل آئینی اور مالی ماڈل کو قبول کیا گیا تھا اور اب اس کی جزیات پر کام کیا جانا ہے، جس کے بعد اپریل میں حتمی دستخط ہونا ہیں۔ دوسری جانب آئی سی سی میٹنگ میں پاکستان کرکٹ بورڈ ایک بار پھر اپنا کیس بھرپور انداز میں پیش کرے گا اور بھارت کی جانب سے مسلسل دو طرفہ سیریز سے انکار کے بعد پاکستان کرکٹ بورڈ اپنا کیس آئی سی سی تنازعات حل کرنے والی کمیٹی کے سامنے رکھے گا۔ پاکستان کرکٹ بورڈ کا کہنا ہے کہ بھارت کی جانب سے مسلسل انکار کے بعد پاکستان کو بھاری نقصان ہوچکا ہے۔ آئی سی سی نقصان کی تلافی کرے ورنہ عدالت میں جانے کا آپشن موجود ہے۔

بھارت کی کھلی دھمکی ایمزٹی وی(نئی دہلی)بھارتی وزیرخارجہ سشما سوراج نے پاکستان کو دھمکی دیتے ہوئے کہا ہےکہ کلبھوشن کو بچانے کیلئے کسی بھی حد تک جایں گے۔ تفصیلات کے مطابق بھارتی راجیہ سبھا میں بیان دیتے ہوئے سشما سوراج نے کہا کہکلبھوشن پرپیشرفت کی تو پاکستان دوطرفہ تعلقات کے مضمرات پیش نظر رکھے۔بھارتی وزیرخارجہ نے نیا راگ الاپتے ہوئے کہا کہ کلبھوشن پرپاکستان کی کارروائی مضحکہ خیز ہے،ہم کلبھوشن پر سپریم کورٹ کا وکیل کریں گے اور ضروری ہوا تو اس معاملے پر بھارتی صدر سے بھی رابطہ کریں گے۔ سشما سورا ج کا مزید کہنا تھا کہ ہم کلبھوشن کے معاملے پر بے خبر نہیں ہیں وہ بھارت کا بیٹا ہے اور ہم کلبھوشن کے معاملے پر ان کے اہل خانہ سے بھی رابطے میں ہیں۔یاد رہے کہ بھارتی جاسوس کلبھوشن یادیو کو گزشتہ روز سزائے موت سنائی گئی تھی.